那你便贏了，雖然輸了自己！

它可以讓你和所有朋友(包括阿豬阿狗)連結在一起; 又可以和朋友的朋友成為網上朋友甚至情人; 亦可以尋回失散多年的"兄弟""姊妹"或找回錯失一時的朋友甚至情人......

在status上瘋狂留言, 又可以引人注意, 又可以盡情發洩; 你有怒氣咩? 去"義氣仔女"群揪個不相識的人啦! 你想祝人生日快樂咩? 去"gift shop"送份"免出錢"禮物給人啦! 你想表達愛意咩? "Add a Kiss" 啦! 想打小人呀? 開個"爆粗狂插"event同志同道合的人一齊咀咒囉! ...............

太多太多優點, 不能一一盡錄! 還有一點, 它比MSN更利害! 就是...... 夠凍!

和阿豬阿狗說, 得閒出來飲茶! --> 不需俾面回應

和朋友的朋友說, 幾時出來見個面,叫埋阿邊個邊個囉... --> 好呀好呀! 得閒先算啦(心諗)

打在status的說話, 似真可能是假, 若假有機會是真!

說愛你, 按幾個制; 說掛念你, 再按幾個制; 想見你, 去檢視你的照片; 想鬧你, 電話費都可以慳返; 想打你, 不如打鍵盤!!

連嬲你鬧你打你, 都沒有溫度, 你說還夠不夠凍?

不需交代, 不需砌詞, 只需close the window, 就此拜拜!!

我們真的要這樣的交往嗎?

你生氣, 你不想噴他一面口水嗎? 你恨他, 你不想摑巴在他的面上嗎? 你掛念他, 你不想聽聽他聲音嗎? 你喜歡他, 你不想捉著他的手嗎? 與其把你的眼淚和笑聲放進熒光幕裡, 倒不如把感情掛在臉上, 讓人觀看? 起碼你的難為情, 讓你感到你還是個有溫度的人。

電腦化的人生, 連人性也模糊了!

B: 人人都有自大狂!

A: 自大到以為自己可以支配一切, 包括人地既感受!

B: 又或者係太自信, 自信自己的吸引力!

A: 咪就係! 點知原來係自己自戀著自己... 過癮! 不過, 人地又可能係諗諗下唔岩呢...!

B: 好明顯係啦!!!

A: 哇哈哈哈哈哈.............(唔使咁唔客氣呀,老友)

不過, 我鍾意咁直接!!

在抉擇時候只好勢利,

誰想講骨氣? 最先必須有一些儲備,

在最壞時候必須卑鄙,

在決裂時候彼此妒忌,

無非人生道理?

也許只有幾十年閱歷的人, 才能明白以上"人生道理"。

但這刻, 突然很怕自己也逐漸明白。

好消息一個, 休息半年, 洗滌心靈, 重新開始!!

與其行屍走肉, 就趁這個機會讓自己重新思索, 應怎樣生活?!

不要計較過去誰對誰錯, 不要徬徨將來誰去誰留, 只要問自己:

你OK未? OK就行得!

有朋友支持, 很好! 有自己支持, Perfect!

唯有頑強地在生命裡闖蕩。

向兩位殉職消防員，致敬！

B: 我諗係因為有賭博的心態，果種唔知結果，有種刺激的感覺。

A: 你呢個比喻唔岩，只可以來形容玩感情的人。

B: 每個踏入個洞的人，剛開始都是這樣的，好奇。

A: 被愛情蒙蔽，一樣最不可信的東西，但偏偏人就要迷信下去。

B: 還有更多幸存心...　因為人人都貪戀一刹那的甜蜜。

A: 咁咪傻囉！蜜糖係會過期的。咁都還好，最慘係明明嚐緊膽，你死都要話係蜜糖。

B: 對！因為盲左，放左屎入口都唔知！

A: 哈哈哈......

（兩個傻人的對話，超傻！最傻係... 呢兩個傻人都仲未爬得出個洞口，但响度廿文廿武！）

我不會再做受人控制的棋子!

不想知真相，不想接受這不是醜惡的結果。

但為何這麼殘酷，要讓我知真相，讓我更難受。

我寧願編個大話，告訴自己一切一切都是醜惡的！

那我便可以很瀟灑了......

由頭髮尖至腳趾尖，沒有一處是沒有痛楚的。好像眼睛總有裝不完的淚，喉嚨總有咽不下的氣。感情真的可以玩死一個女人。

我的天，是灰色的；我的夢，是黑紅色的。

這刻，我重回這裡，我要和自己講：惡夢過去了！雖然被千刀萬斬，身上還滲著血，還有千百口未癒合的傷口。但，我還是準備了以下康復計劃：

棄掉一些看見會痛的物件（進行中）

電個靚髮（將會訂日子實行）

上大陸揼骨　（己完成並繼續實行）

睇多場好戲（進行中）

和好久無見的朋友會面（今日將會執行）

唱卡拉OK（為免失禮，還是等狀態好點才進行）

去短途旅行（因實習關係，睇怕都是夢一場）

．．．．．．．

我的天，現在，是微黃色的；我的夢，是．．．．．．

我看到每日大家都看到的東西：親情，友情，愛情。以前，我會認為三樣東西不能相提並論，因為感受不同，際遇不同。現在，我卻認為三樣東西必須相提並論，因為它們都在同時間互相影響著，有著千絲萬縷的關係，你扯我拉的，稍一不慎，其中一樣便跌至粉身碎骨。這個夢也未免太殘酷了！

這一刻，我身旁有兩個舍友咧著咀向我笑，我也笑了。他們的樣子，不美，但這刻是笑容是善良的！我感受得到。人生是夢一場，生活是執行這場夢的過程，而人的情感在這個過程中或許被扭曲，或許被愛護。原來沒所謂捨得不捨得。

這刻，不管夢裡夢外，你懂笑就行了！

人禍更可恥，如絲鋼根奪去無辜小生命！

看到他們，原來我們沒資格說悲傷。

四川大地下，即使只剩下一條生命，

也請上天憐憫，讓他/她再看到陽光。

當四月的天空　忽然下了雪霜　就會想起信仰
當個人的往事　忽然失去重量　就擁有堅強的力量
臉色放在一旁　內心反而寬廣
人世間開始絕望 　上帝才開始歌唱

啊……　我們有什麼資格　說悲傷
啊……　為誰而恐慌　為誰忙？

因為全世界都那麼髒　才找到最漂亮的願望
因為暫時看不到天亮　才看見自己最誠懇的夢想
慾望變得荒唐　價值顯得虛妄
人世間開始瘋狂　上帝才開始歌唱

啊……　我們有什麼資格　說悲傷
啊……　為誰而恐慌？

終於有一天我們　回到遊樂場
終於有一天我們　再看到陽光

吃麵包沒有水會哽死; 喝水沒有麵包也會餓死。

上天很愛考驗人, 給你麵包不會送你水, 給你水不會贈你麵包。

但愛情最堅強也最脆弱...

有時可以扺擋風雨, 但有時卻不堪一擊...

所以一個追求愛情的人, 一生如履薄冰。

其實我係做左ｄ好衰既野：我竟然在考試期間，去左澳門"Relax"！最離譜係，去埋賭場賭錢，玩廿一點。以前楂住一兩百放落去賭枱度，都手震震，但呢兩日豪到眼都唔眨下！

首先，去完漁人碼頭嘆完buffy，見就腳去左"金莎骨"，走返兩轉。唉，點知被掠去一千文，興興地，飛的去新口岸整返兩支Budweiser洩憤，然後一鼓作氣，殺落"新蒲撻"！哈，竟然俾我埋返個本！果然係"蒲撻"好吃ｄ...

好，第二日，瞓完一晚叉足電，回味返果啖"蒲撻"味道，心痕痕地，又走左去"新蒲撻"諗住睇下有無運行。今次大膽囉...最細投注額係二百，最大投注額一千二百！輸得最勁果次就係千二呢次。好喇...一千文本淨返二百，點呢...個莊咁旺，不如就過隔離枱痴下人地ｄ旺氣！哈，原來果邊個莊疲弱不堪，連爆八九舖，我仲中埋對子，五十變五百五十！興奮到叫出來！最後，翻本不特止，扣左本仲贏左二千七！哇哇哇...原來贏錢係咁Happy！成個人輕輕鬆鬆，招招積積咁！我都話啦，"蒲撻"好食！

哇...幾個月唔見，搞乜鬼我會變成咁...係咪想中我兩槌？

傻啦，我份人咁有原則，點會呀！ 係就係去...玩，係陪人玩。以上既內容，其實我係企在旁邊果位。不過真係幾刺激，賭枱上幾分鍾上落，變化難測。第一晚，無贏無輸，朋友話：我應該可以再贏"新蒲撻"一二千，我答：算啦，而家咪幾好...好似人生咁，空手來空手去，乜都唔會帶走！跟住兩個人對望傻笑...　原來第二日，先至係高潮所在，好似坐過出車咁，睇住ｄ籌碼又高又低咁，心情又上又落。好在，朋友手低眼高，以小博大，真係贏左"新蒲撻"二千幾。其實我由頭到尾雖然無玩，但金晴火眼睇到實，在適當時候就會"出手"！朋友當時一千輸淨二百，跟住連贏八九舖，贏到差ｄ忘形！當再輸返一次時，我立即出手......拉人，走！幾型，割禾青。如果唔係，邊會有二千七落袋呀，輸返轉頭都唔奇呀... 所以有我呢個人在，唔會有人變成爛賭鬼架！

賭場裡面，龍蛇混集！有斯斯縮縮一二百既師奶，又有一擲十幾廿萬既豪客，大家只有一個目標：贏錢！我身在其中，突然感到，我地做人總希望付出最少，得到最多，每日去爭去鬥，想最後贏既係自己！得到少少時，會認為自己可以有更多，因此繼續沉迷去追逐。如果在最忘形時，無一記當頭捧喝：喂，走喇！可能到最後會輸到一乾二淨。

放手啦，見好就收！好少人會識得幾時去做，包括我自己。