  |
    |
天災可怕，如紙脆弱的生命在瞬間消失；
人禍更可恥，如絲鋼根奪去無辜小生命！
看到他們，原來我們沒資格說悲傷。
四川大地下，即使只剩下一條生命，
也請上天憐憫，讓他/她再看到陽光。
當四月的天空 忽然下了雪霜 就會想起信仰
當個人的往事 忽然失去重量 就擁有堅強的力量
臉色放在一旁 內心反而寬廣
人世間開始絕望 上帝才開始歌唱
啊…… 我們有什麼資格 說悲傷
啊…… 為誰而恐慌 為誰忙？
因為全世界都那麼髒 才找到最漂亮的願望
因為暫時看不到天亮 才看見自己最誠懇的夢想
慾望變得荒唐 價值顯得虛妄
人世間開始瘋狂 上帝才開始歌唱
啊…… 我們有什麼資格 說悲傷
啊…… 為誰而恐慌？
終於有一天我們 回到遊樂場
終於有一天我們 再看到陽光
第一次，在賭枱上有咁強烈的感覺...
其實我係做左ｄ好衰既野：我竟然在考試期間，去左澳門"Relax"！最離譜係，去埋賭場賭錢，玩廿一點。以前楂住一兩百放落去賭枱度，都手震震，但呢兩日豪到眼都唔眨下！
首先，去完漁人碼頭嘆完buffy，見就腳去左"金莎骨"，走返兩轉。唉，點知被掠去一千文，興興地，飛的去新口岸整返兩支Budweiser洩憤，然後一鼓作氣，殺落"新蒲撻"！哈，竟然俾我埋返個本！果然係"蒲撻"好吃ｄ...
好，第二日，瞓完一晚叉足電，回味返果啖"蒲撻"味道，心痕痕地，又走左去"新蒲撻"諗住睇下有無運行。今次大膽囉...最細投注額係二百，最大投注額一千二百！輸得最勁果次就係千二呢次。好喇...一千文本淨返二百，點呢...個莊咁旺，不如就過隔離枱痴下人地ｄ旺氣！哈，原來果邊個莊疲弱不堪，連爆八九舖，我仲中埋對子，五十變五百五十！興奮到叫出來！最後，翻本不特止，扣左本仲贏左二千七！哇哇哇...原來贏錢係咁Happy！成個人輕輕鬆鬆，招招積積咁！我都話啦，"蒲撻"好食！
哇...幾個月唔見，搞乜鬼我會變成咁...係咪想中我兩槌？
傻啦，我份人咁有原則，點會呀！ 係就係去...玩，係陪人玩。以上既內容，其實我係企在旁邊果位。不過真係幾刺激，賭枱上幾分鍾上落，變化難測。第一晚，無贏無輸，朋友話：我應該可以再贏"新蒲撻"一二千，我答：算啦，而家咪幾好...好似人生咁，空手來空手去，乜都唔會帶走！跟住兩個人對望傻笑... 原來第二日，先至係高潮所在，好似坐過出車咁，睇住ｄ籌碼又高又低咁，心情又上又落。好在，朋友手低眼高，以小博大，真係贏左"新蒲撻"二千幾。其實我由頭到尾雖然無玩，但金晴火眼睇到實，在適當時候就會"出手"！朋友當時一千輸淨二百，跟住連贏八九舖，贏到差ｄ忘形！當再輸返一次時，我立即出手......拉人，走！幾型，割禾青。如果唔係，邊會有二千七落袋呀，輸返轉頭都唔奇呀... 所以有我呢個人在，唔會有人變成爛賭鬼架！
賭場裡面，龍蛇混集！有斯斯縮縮一二百既師奶，又有一擲十幾廿萬既豪客，大家只有一個目標：贏錢！我身在其中，突然感到，我地做人總希望付出最少，得到最多，每日去爭去鬥，想最後贏既係自己！得到少少時，會認為自己可以有更多，因此繼續沉迷去追逐。如果在最忘形時，無一記當頭捧喝：喂，走喇！可能到最後會輸到一乾二淨。
放手啦，見好就收！好少人會識得幾時去做，包括我自己。
曾經以為看透愛情, 離離合合, 冷冷暖暖, 都經過了...
以為自己化了, 原來最不化就是自己?
有人說我衝動﹑不理智﹑不現實﹑不冷靜, 怎樣去愛?
我卻說, 能冷靜的, 就不能愛了。
是我不夠成熟, 以為愛能衝破一切障礙, 把愛美化了嗎?
要付出的不能計較, 決定了的就不能怕失敗, 這才是愛,
我一向都這樣認為, 因為愛應該是簡單的, 非黑即白。
錯了! 大錯特錯!!
我忘了人是自私的﹑自我的﹑自以為是的。
任何人也想自己愛得舒服, 不想增添任何壓力;
任何人也想別人為自己著想, 想要一個完美情人。
我有一段心底話, 但卻不能公諸於世...... 原諒我!
(閱讀全文)
情憑誰來定錯對 我始終不想去追
寂寞路上遇痴心 相戀也有過痛苦一堆
如能從頭遇見你 我始終不會後退
將傷心收於記憶中 仍沒法去剪碎
濃情蜜意盡過去 凍好比一杯冷水
獨自默默望蒼天 心底裡滿載往昔唏噓
迷霧已漸漸散退 過去的經已逝去
前路漫漫顯得更崎嶇 還是要我去面對
回憶起當天的歡笑 是光陰沖洗不去
在這一生中 這一生中沉醉
寂寞憔悴 這世界可有誰
逝去了的愛情 陪孤單寄居
寂寞憔悴 人痛心因你別去
我已不懂得哭笑 望著你身影遠去
難得當天的相愛 是你我都傾出所有
令這一生中 這一生中無悔
但寂寞憔悴 這世界可有誰
逝去了的愛情 陪孤單寄居
寂寞憔悴 人痛心因你別去
我已不懂得哭笑 就讓我消失告退
有日, 同朋友講開, 將來會不會生孩子?
大家上天落地, 分析利弊, 始終都未知道自己想點。
要生舊叉燒, 還是要孤獨終老? 講來講去都係自己自私心作祟。
驚教唔好小朋友, 驚承擔一世責任, 更加唔想從此失去自由!
朋友忽然間提出: 不如領養小朋友!
免卻生產時既麻煩, 又可以改變一個被遺棄既小朋友悲慘既命運。都幾有意義。
大家當時都"叮"一聲! (只要兩夫婦都願意的話)
好提議, 好提議!!
同一個提議同另一個朋友講起, 個朋友立即反駁: 車! 領養不如自己生, 養自己果個!
係喎! 我暗地O哂咀! 我唔否認領養既意義, 但領養既小朋友唔使養, 唔使教, 唔使憂心咩？
領養比自己生好? 咁之前所擔憂既事情, 咪自相矛盾囉! 諷刺。
唉, 現代女性如我, 對於"生仔"呢個事情, 都係唔知自己想點。可笑。
近排忙到不可開支, 上來呢度發下up瘋! 連屋企人都打來問:"你幾時返來呀?", 自從我生日同佢地上大陸"w"骨後, 已有兩星期無回家。上星期趕完份project, pre完sent後, 跟住又趕另一科, 今日又要presentation, 更離譜係, 我做姊妹果日都要做做下趕返學校present(姊妹,你個婚禮我實記得啦)!!! 經點算後, 我發現有以下咁多野未做......
第一, 工作方面, 唔使講, 幾十萬份proposal未寫E, 幾十萬個活動進行中, 仲有房會﹑佈置﹑Filing --> 我慣左唔會ot做filing架! (我老細應該唔會撞到上來呢度卦^^)
第二, 學習方面, 2個presentation, 1份論文, 連考試! (至十二月中)
第三, 生活方面, 同屋企人食飯, 同表姐食飯; 姊妹衫未買, 未諗到點set頭, 未買完化妝品, 未諗到點化妝, 好彩有朋友二話不說: 你唔使買, 我借俾你!! 好感動呀, 助我解決燃眉之急! (唔該哂呀,欣欣,你知我平時無呢d女人野架啦^^) ; 仲有, 度玩兄弟遊戲! (哎呀, 死喇~ 個腦好實呀, 可能要靠你地喇, 姊妹們!)
第四, 個人方面, 皮膚退化未搞掂, 約左朋友下星期去試做facial, 但都唔知有無時間bee出來; 免費婦女體檢未做.......
好似仲有好多, 忽然間斷片, 唔記得哂! 原來除左皮膚老化, 連個腦都提早退化。
我而家既生命表徵係: 體溫35(低) / 上壓80(低) / 心跳60(低) --> 全部都低低地!
(按此留言)
